అనంతకోటి

అనంతకోటి బ్రహ్మాండాల్లో ఒకదాంట్లో
దేంట్లోనే ఉందటారు మన భూమిని
అంటే ఇదెంత చిన్నదో కదా
ఐనా దీనిపై జీవు లెన్నెన్నో

అనంతకోటి జీవరాశిలో నరజాతిలో
నేనూ ఒక పేరూ ఊరూ లేని నరుణ్ణి
అంటే నేనెంత అల్పుణ్ణో కదా
ఐనా నాలోని ఆశ లెన్నెన్నో

అనంతకోటిసంఖ్యాక మైన నాఆశల్లో
ఏవీ ఎన్నడూ నెరవేరని అభాగ్యుణ్ణి
అంటే అవెంత అల్పములో కదా
ఐనా ఒకటైనా చివరకు నెరవేరదా

అనంతకోటి జన్మలెత్తిన అభాగ్యుడికి
ఏజన్మల్లో ఎన్నెన్ని ఆశాభంగాలో కదా
ఆఖరికోరికగా మిగిలిందేమిటో తెలుసా
ఇక జన్మలూ వద్దు ఆశలూ వద్దన్నదే

22-4-2026